Në rajonin juglindor të lumit Tana të Kenias, vajzat e sapolindura të komunitetit Oromo fejohen në ditën e lindjes.
Prindërit e këtyre vogëlusheve thonë se tradita u siguron një të ardhme të sigurt atyre dhe ajo ndërton marrëdhënie të forta mes familjeve dhe komunitetit.
“Vajza ime është 4 muajshe. E kam fejuar me një djalë të quajtur Ibrahim. Askush tjetër nuk mund të vijë të martohet me të edhe nëse vdes”, thotë një baba për “BBC”.
“Kjo është kultura jonë. Ne duam të jetë kështu. Babai i saj e dha atë dhe unë nuk thashë jo. Ajo do të jetë e rritur kur të martohet me të”, shprehet nëna e foshnjës.
Për të treguar se një vajzë është e fejuar, babai i lidh asaj një litar në dorë të quajtur daraaraa.
