Analisti Fatos Lubonja, i ftuar në rubrikën “Opinion” në “News 24”, duke folur për përplasjen mes kryeministrit e presidentit, deklaroi se e shikon Ramën si rrezikun më të madh të demokracisë në Shqipëri. Ai theksoi se, jetojmë në një vend, që në çdo parametër nuk është normal.
“Të dy, Rama e Meta shfrytëzojnë postet në fushatë elektorale. Jemi në një vend anormal, për mendimin tim, ku derisa votat shiten e blihen nuk mund të presësh që të ketë respekt për disa norma normale të votimeve. Edhe në Kosovë kishte kulturë votimi. Këtu është kush t’ja hedh njëri-tjetrit dhe kush është më i fortë dhe ka më shumë para. Edhe presidenti ka dalë nga roli i tij normal.
Presidenti reagon ndaj një kryeministri që është ekstrem në keqpërdorimin e pushteteve. Në mendimin tim, Rama është njeriu më i rrezikshëm që ka Shqipëria sot, kjo bën që të mbyllësh syrin ndaj presidentit. Unë kam thënë më mirë tri banda sesa një, sepse krijojnë balancën. Unë mendoj që kjo drejtësi është më e kapur se ajo përpara. Ne jemi popull i rrahur shumë dhe të nënshtruar. Ky populli rrahur kështu mund të shkojë në shpërthim, që ndoshta çon edhe në shkatërrim. Këta e kanë çuar situatën shumë larg gjendjen, shumë keq”, tha Lubonja.
Më tej, Lubonja komentoi edhe faktin sesi e shikon fushatën e secilës parti politike.
“Edi Rama, partia në pushtet si fjalë kyçe ka se ne jemi më të mirët, e këta të tjerët janë të dobët, duke nënshtruar opozitën. PD e shikoj që i mëshon një programi ekonomik, që të them të drejtën nuk më krijon besim shumë të madh, se premtime janë më shumë. PD nuk reagoi për personalitet, ka dyshime këtu. LSI ka më shumë nerv. Ndarja e opozitës më duket problem. Partitë e reja nuk i shikoj aktive fare. Duhet të merremi me pandeminë më shumë sesa për fushatë elektorale”, u shpreh Lubonja.
