Ish-deputeti Eduart Ndocaj, përmes një deklarate, të bërë publike në rrjetet sociale, ka ftuar qytetarët shqiptarë të jenë të kujdesshëmme masat parandaluese ndaj Covid-19, pasi sistemi shëndetësor shqiptar, tashmë ka kapitulluar dhe pasojat mund të jenë katastrofale.
Ndocaj, ka nënvizuar keqpërdorimin nga politika të komitetit teknik, i cili gjithnjë është shfaqur si një dekor dhe figurina për lojën kryeministrore në funksion të propagandës.
Duhet urgjent plan i ri masash dhe strategji e qartë menaxhimi, pasi Shqipëria rrezikon situatë ogurzezë në drejtim të covid-19. Papërgjegjshmëria e qeverisë është vrasëse, qytetarët janë në mëshirë të fatit,- shprehet ish-deputeti lezhian.
Deklarata e plotë:
Të dashur bashkatdhetarë!
Po ndjek me vëmendje të madhe zhvillimet e fundit në Shqipëri dhe shpreh keqardhjen e madhe për mjeranizimin e politikës, e cila e zhytur në pellgun e madh të korrupsionit nuk është më e aftë të prodhojë debat të shëndetshëm publik, por përkundrazi, arrin të politizojë dhe të keqpërdorë cdo mekanizëm jetësor dhe institucional.
Covid-19, tashëm ëshë në pikun e përhapjes së tij në valën e dytë, duke shkaktuar viktima ta shumta anëkënd globit, si dhe po merr vëmendjen maksimale të institucioneve përgjegjëse për trajtimin e tij me seriozitet dhe përgjegjshmëri të lartë, por në Shqipërinë tonë të dashur, edhe i ashtuquajturi “Komitet teknik”, që duhet të ishte profesional dhe larg ndikimit politik, shfaqet më së shumti si dekor i kryeministrit dhe janë silueta të lojës kryeministrore në funksion të propagandës.
Ndjehem thellësisht i irrituar, se si një grup mjekësh, të mbledhur nën petkun e menaxhimit “teknik”, janë zhveshur nga betimi i Hipokratit dhe janë mbështjellë me mantelin e keqpërdorimit të tyre, duke u nërë qesharakë në sytë e opinonit publik me masat menaxhuese, si dhe duke i mbajtur ison kryeministrit që shfaqet si kryetari i këtij komiteti.
Ky palokomitet, do ishte në nderin e tij, të merrej me menaxhimin e situatës së pandemisë dhe jo të bëhet kavie politike, pasi Shqipëria me një sistem shëndetësor tërësishtë të rrënuar dhe me një infrastrukturë spitalore inekzistente, mund të shndërrohet në një vatër të kobshme të të infektuarve me covid-19.
Të dashur vëllezër dhe motra!
Duke ju uruar të keni shëndet dhe mbarësi në familjet tuaja, apeli im, shkon për secilin nga Ju, duke kërkuar rritje të përgjegjshmërisë në lidhje me masat mbrojtëse, pasi me politikat menaxhuese që po ndjek komiteti teknik dhe qeveria shqiptare, jeni në mëshirë të fatit.
Sistemi shëndetësor ka nxjerr lakuriq kryeministrin dhe propagandën e tij, qytetarët shqiptarë, të prekur nga codiv-19, po dergjen dyerve të spitaleve, por kapitullimi i është i dukshëm, pasi jo vetëm që nuk ka vende, por qeveria nuk ka mundësitë e saj financiare për masa të reja, sepse paratë e saj kanë shkuar për koncensione për miqtë dhe oligarkët e Ramës.
Me besimin në Zot, ne do ia dalim, por duke mos harruar se shqiptarët janë qeverisur gjatë këtyre 7 viteve nga një bandë zullumqarësh dhe grabitësish, që nuk kursyen asgjë nga pasuritë e vendit për t’i gllabëruar dhe për t’ua shpërndarë klientelës politike, ndaj dhe kërkohet angazhim i madh dhe vullnet plebishitar për të shporrur këtë klikë ogurzezë.
Zoti qoftë me Ju dhe familjet tuaja!
Miqësisht, Eduart Ndocaj
