Stefan Marena është pa dyshim këngëtari më me stil i showbizz-it shqiptar. Këngëtar?! Është pak ti thuash kaq. Këngëtar, Aktor, Fotomodel, Influencër, janë vetëm disa nga talentet e tij. Me pak fjalë një showman i vërtetë.
Me eksperiencë të gjatë e produktive ndër vite, si në “Star Academy”, “The Voice”, “Top Fest”, “Kënga Magjike”, e shumë kompeticione të tjera që kanë ndikuar në formimin e tij profesional.
Me një vokal potent, me timbër kadife dhe zë radiofonik (gjykuar kjo nga PROFESIONISTË), ka vendosur që pas suksesit me videoklipin “S’ma fale”, ta çojë karrierën e tij muzikore në një tjetër nivel.
Stefan Marena vjen së fundmi si pjesmarrës në ”Fest 59” në RTSh, me këngën “METEOR”. Me muzikë të Gramoz Kozelit dhe tekst të Klotilda Harkës, ky projekt vjen krejt ndryshe nga të gjitha këngët lineare që na është mësuar veshi çdo vit. Një thirrje e brendshme dashurie, nevoje, rebelimi dhe përmirësimi, e cila depërton larg.
Një baladë në stilin pop dance, me një zë të fuqishëm si ai i Stefan Marenës, padiskutim që do të bëjë për vete shqiptarët dhe do të ishte një përfaqësim dinjitoz në Eurovizion. Në netët finale, pritet që këngëtari avangard ti bashkangjisë një performancë emocionuese. (E. D/ InfoPressAlbania)
Ju ftojmë të dëgjoni këngën në youtube!
