Nga: Ylli Manjani
Doni më prova që edhe drejtësia e re është po aq e keqe sa e vjetra?!
Kanë arrestuar dy të vdekur!
Kjo është prova dhe, njëkohësisht akuza për sistemin e drejtësisë që kemi.
Arrestohen njerëz jo vetëm kot më kot, por edhe pa i thirrë njëherë të vetme për t’i pyetur.
Drejtësia merr vendim pas shpine, në fshehtësi pa i dhënë mundësi as personit të mbrohet, por as vetë gjykatës për të kuptuar a është gjallë apo jo i arrestuari.
Po ti kishim thirrë për t’i pyetur do ta kishin mësuar që nuk jetojnë më dhe sdo kisjte kuptim hetimi për ata që vdiqën…
Njerëzit nuk janë thjesht çertifikatë në gjendjen civile. As drejtësia nuk arreston çertifikata, por njerëz të gjallë me liri e të drejta.
Kam kaq kohë që propozoj ta zhdukim këtë ligj bolshevik nga drejtësia penale. Mirë ne, po na u bënë edhe të huajt dashamirës të këtyre bolshevizmave…
Ky sistem i pandershëm e deri edhe çnjerzor nuk mund të quhet drejtësi. Aq më pak e reformuar.
Ky quhet shtet cubash, sepse të gjuan pas shpine. Në vetgjyqsi totale…
Të fala korit të ambasadorëve dhe politikanëve që cicëruan dje gjith ditën për suksesin e SPAK e drejtësisë së re.
