Ministria e Arsimit ka nxjerrë urdhrin për nisjen e vitit shkollor 2020-2021, ndërsa mësohet se shkollat do të hapin dyert më 14 shtator.
Ende nuk dihen kushtet dhe rregullorja e re mësimore në institucionet arsimore, që duket se do të ndikohen nga situata e pandemisë Covid-19.
Për ciklin 9-vjeçar mësimet do t’i përfundojë më 8 qershor të 2021-it dhe nxënësit e klasave të nënta do t’u nënshtrohen provimeve të lirimit nga 9 qershori deri në 30 qershor.
Në vendimin e ministrisë përcaktohet se gjimnazet fillojnë mësimet njësoj si cikli i arsimit bazë por i mbyllin më vonë, në 15 qershor.
Ndërsa matura do t’i zhvillojë provimet në periudhën nga 2 qershori deri në 30 qershor të 2021-it.
