Presidenti i Republikës Ilir Meta publikoi SMS-në e një diplomati të huaj në Tiranë dërguar atij ne nje kohë kur në Shqipëri diskutoheshin kandidatet e Gjykatës Kushtetuese.
Në mesazhin diplomatit thuhet se Rama nuk do ta bllokojë kandidaturën e Marsida Xhaferllarit në listën tjetër për anëtare të Gjykatës Kushtetuese, ndërsa Arta Vorpsi do të emërohej me një mekanizëm zhbllokues, çka për Presidentin Meta tregon qartë ndikimin e kryeministrit në reformën në drejtësi.
SMS: Mirëmëngjesi Beni! Ne takuam koleget e BE-se dhe SHBA kete mengjes dhe me pas telefonuam Ramen. Zyrat keshillimore ligjore të SHBA dhe BE nuk e mbështesin pozicionin e Presidentit për pezullimin. Ata besojne se Arta Vorpsi u emerua per shkak te nje nje mekanizmi zhbllokues. Ata do te dalin publikisht sot dhe rame dakord qe une tju njoftoja per kete.
Rama sidoqoftë është dakord që Marsida Xhaferllari të jetë në listën e Presidentit, për herën tjetër cila do të jetë shumë shpejt dhe Rama nuk do të përpiqet ta bllokojë. Serish mu kërkua te ta kaloja kete mesazh’
Si e komentoi Meta mesazhin ne studion e “Opinion” ku dhe publikoi mesazhin
Meta:“Ky mesazhi këtu është për të kuptuar se si punojnë disa ndërkombëtar në Tiranë për Reformën në Drejtësi. Ky është një diplomat korrekt dhe ka qenë në atë takim. Ai e ka nisur këtë në emër të ambasadës amerikane dhe ambasadës së BE. Mirmëngjes Beni thotë. I takova kolegët e mi amerikane dhe të BE dhe folëm më Ramën në telefon këtë mëngjes. Zyrat ligjore te SHBA e BE-se nuk e mbështesin pozicionin e presidentit për pezullimin, që këtë nuk ma thanë në darkë. Ata besojnë që Arta Vorpsi tani është caktuar si rezultat i mekanizmit zhbllokues dhe ata do të dalin sot publikisht dhe kemi rënë dakord që mos i bjerë të fikët presidentit.
Rama megjithatë ra dakord që Marsida Xhaferllari të jetë në listën e presidentit për nominim për tjetrën. Dhe Rama nuk do përpiqet të bllokojë këtë. Pra, është Rama që i bllokon dhe jo KED që i infiltron kandidatët. Ky është mesazhi i një diplomati që ishte në takim në darkë. Por, ky është një qëndrim i tyre, i turpshëm, anti-kushtetues, skandaloz e teresisht politik dhe teresisht në shërbim të Edi Ramës. Nuk janë lojërat e Amerikës, por lojërat e ekspertëve që bëjnë politikat e Edi Ramës ”
Lobimi serb e prorus – Presidenti Meta denoncon gjithashtu se “Lobi serb dhe ai pro rus ne Uashington i intereson përplasja civile dhe destabilizimi ne Shqiperi. Kam shume prova dhe dokumenta qe do i bej publike ne kohen e duhur. SMS qe u be publike sot do duket pa vlere ne raport me to. Do flas ne te ardhmen dhe ne kohen e duhur”
