Nëse mendoni se duke më dërguar mua –Biografinë- e këtij apo atij individi në strukturën e Partisë Demokratike në vend, e ndihmoni Demokracinë dhe zhvillimin e vendit, atëherë gaboheni rëndë.
Nuk bëni gjë tjetër veçse krijoni një plagë më shumë në këtë vend dhe ndihmoni skllavërimin tuaj.
Që të kthjelloheni:
1.Kushdo i del për zot vetë të shkuarës së tij dhe i paguan po vetë faturat e saj.
2.Përpiquni të kuptoni se diçka që i ndodh dikujt mund t’i ndodhë gjithkujt. Padrejtësia që sot më bëhet mua, nesër do të trokasë në portën tënde. Është thjesht çështje kohe, ndaj kapërceni individin dhe zbrisni tek fenomeni që ai përfaqëson.
3.Nëse mendoni se duke i depozituar tek unë pakënaqësitë që keni ndaj Partisë Demokratike, ato do të përcillen tek kjo e fundit, atëherë më duhet t’ju informoj se mesazhet tuaja janë fshirë tashmë dhe nuk përcillen askund.
4.Nëse mendoni se dikush do t’ju dhurojë -Lirinë- tek divani i shtëpisë , përsëri gaboheni rëndë. Liria kurrë nuk është dhuruar, por është fituar.
Post Scriptum: Për sa kohë do të vazhdoni të merreni me biografi njerëzish dhe jo me biografinë e lirisë dhe të drejtës në këtë vend, të jeni të sigurt, që çdo forcë që do të vijë në Pushtet qoftë kjo edhe Partia Demokratike, do të reflektojë veçse mosbesimin tuaj tek drejtësia dhe liria!
Dhe këtë e them me bindje absolute!
