Kreu i LZHK-së, Dashamir Shehi, në një prononcim për mediat foli pas takimit që Kreu i PD-së bëri me aleatët.
Shehi tha se në takim është diskutuar lidhur me zgjedhjet e 30 qershorit dhe sesi do të vazhdojë qëndresa e opozitës. Shehi theksoi se nuk do të ndalen deri në arritjen e një zgjidhjeje të cilën do ta konsiderojnë pozitive për shqiptarët.
” Manipulimi zgjedhor ka filluar, 36 bashki janë pa kandidatë alternativë”, tha kreu i LZHK, ndërsa shtoi se “zgjedhjet kanë rënë moralisht. Ne nuk do t’i lëmë që të ketë zgjedhje në 30 qershor, me çdo mundësi që kemi, 360 gradë. Nuk heqim dorë as nga takimet me ndërkombëtarët, as nga takimet e me rininë e qyteteve, por aksi kryesor është protesta, deri në një zgjidhje finale që e konsiderojmë pozitive për qytetarët. Zgjedhje të tilla nuk bëhen, këtë diskutuam sot dhe do diskutojmë edhe në takimet e radhës. Ne nuk protestojmë kot, protestojmë se po shkelen rregullat e lojës.”/CNA.al
