I ftuar në nga televizioni FOX NEWS, kryetari i PBDKSH, Eduart Ndocaj, ka komentuar problematikat që shqetësojnë bashkinë e Lezhës, si dhe është ndalur gjerësisht mbi zhvillimet e fundit politike, për të cilat ai dha opinionin e tij konstant rreth qeverisjes së vendit, të cilën Ndocaj e konsideroi të dështuar dhe problematike, ku me politikat e saj po detyron qytetarët shqiptarë të largohen çdo ditë e më shumë nga vendi.
Gjatë bashkëbisedimit, Ndocaj u ndal më së shumti në problematikat e qytetarëve lezhianë, të cilët kohët e fundit po përballen me një papërgjeshmëri të lartë të institucioneve, dhe me një indiferentizëm të theksuar për moszgjidhjen e duhur të problemev dhe të halleve të përditshmërisë. Ndocaj, në këtë kontekst përmendi situatën e krijuar së fundi, ku disa fshatra të Lezhës ndodhen prej shumë ditësh pa energji elektrike, duke mos marrë asnjë shpjegim nga autoritetet vendore.
Kreu i PBDKSH, gjatë analizimit të situatës politike të krijuar, shpreh se qeverisja e vendit është totalisht kriminale dhe e lidhur me krimin e organizuar , duke mos sjellë asgjë në dobi të qyetarëve, ndaj shtoi Ndocaj, kjo qeveri duhet përzënë sa më parë nga pushteti, pasi po krijon një kosto të madhe për qytetarët e vendit si dhe për fatet e integrimit të Shqipërisë.
Ndiqeni të plotë bisedën e bërë në studion e televizionit FOX NEWS:
https://www.facebook.com/faxweb.al/videos/339034953574472/
